ازاي تحرق دم البنات

لو عايز تحرق دم بنت
-----------------
كيف يرفع الولد ضغط دم البنت؟؟؟
العملية فى منتهى السهولة و سيتم عرضها من خلال من خلال عدة مواقف متتالية و الله المستعان و ربنا يقدرنا على بنت حواء......

1- اذا كنت ماشفتهاش من زمان و قابلتها صدفة و بتسالك انت عامل ايه ازى احوالك ؟
ترد بمنتهى السماجة ...انتى مش شايفانى فرحان و سعيد انى قابلتك ااقوم ارقصلك يعنى؟

2- ولما ترد و تقول خلاص انا اسفة
ترد و تقول شىء طبيعى

3- لو خطيبتك كانت فى رحلة وورتك صورة متصوراها جنب قفص القرود و بتسالك عن رايك فى الصورة الجنان دى؟؟؟
قولها: هو انتى مين فيهم!!!!!!!!

4- لو كنت ماشى مع بنت و شفت شاب بيبوس ايد حبيبته (رومانسية طبعا.. وولد جنتل قوى يعنى) و بتقولك ماتبقى تعمل زيه
رد عليها و قولها : واعمل زيه ازاى و انا ماعرفش البنت اللى بيمشى معاها!!!!!!

5- لو انت مع بنت و هتركبوا تاكسى و غيران عليها و خايف للسواق يقعد يبصلها فى المراية
طبعا اتصرف على الفور و قعدها جنبه و اقعد انت ورا!!!!!!

6-
لو اتصلت بواحد و النمرة غلط و ردت عليك واحدة و قالتلك النمرة غلط من
الطبيعى جدا انك ترد عليها و تقولها ماعليش اصل صوتك شبه صوت حسنى بالظبط.

7- لو ماشى مع بنت جميلة جدا و بتسالك عن رايك فى شكلها قولها
هايلة يا حياتى بس لو فيه منك على حريمى!!!!!!

8- لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعة 4.30
بص فى ساعتك و قوللها تمام الساعة بتاعتك مظبوطة!!!!!

9- لو راكب عربية نقل (مقطورة) وعدت قدامك بنت فمن الجنتلة انك تيجى جنبها و تزمر على اخرك.....

10- لو نفسك تمشى مع بنت فى كليتك و كانت جاية تطلب منك حاجة للمرة الاولى فى حياتها (والطريقة مجربة و جابت مفعول) .....
هتنادى عليك........
- محمد .... ممكن لو سمحت......
- بصلها و اضحك فى و شها و بعدين دير وشك و نفضلها خالص و لا كانك شفتها قبل كده......
طبعا و شها هيبقى شبق الطمطماية لكنها بعد كده هتروح تشتكيك لزميلاتها و تقول عليك انك و لد تنك و ماعندكش دم و لا ذوق....
و فاجاة روح كلمها عادى و لا كان حاجة حصلت......
هتحتار فيك و تعجب بيك.... و يمكن تحبك.....

11- لو انت فى محل ودخلت بعديك بنت طبعا من الزوق انك تقول للبياع خلص الانسة الاول ........
و البياع لسة بيجيبلها الحاجة قوله : ماتخلصنى بقالى ساعة قدامك و بعدين بتمشى الانسة ليه انا جى قبلها
(طبعا اعمل حسابك ان البقال هيضربك باى حاجة فى ايده)

12-
لو انت مصاحب بنت جادعة قوى و بتقف معاك فى كل المواقف المنيلة اللى
بتحصلك و اخر موقف انك نايم على السرير بعد ما انضرت من شوية رجالة كانوا
بيعاكسوها و انت عملت فيها محمد.سعد....
امسك
ايديها برومانسية و بص فى عنيها و لو لابسة نضارة ماتبصش وقولها: انا مش
عارف ارد جمايلك دى كلها ازاى لما رسبت السنة اللى فاتت و قفتى جنبى... و
لما اتثبت و اتسرقت هدومى و فلوسى و قفتى جنبى .....و لما ابويا مات وقفتى
جنبى ......
مش عارف ليه يا حياتى حاسس انك فقر و نحس!!!!!!!!

13- لو كنت ماشى مع بنت سامرة (!) وكانت لابسة فستان احمر و قاليتلك دلعنى....
قولها : يا فحم مولع..!!!

14-
لو كنت فى عرابيتك و عدى من جنبيك عربية و فيها بنت حلوة افضل باصصلها و
متنح و لما تسالك انت بتبصلى كده ليه شد على الرابع و نفضلها.......

15- لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها بمنتهى الغتاتة او على الاقل ترش عليها ميه!!

16-
لو بتسالك فى غيرة ( انا عرفت انك ماشى مع بنت تانية غيرى اسمها دعاء و
شاقرة) رد و قول لا و الله انا ماشى مع بنت خمرية و اسمها سارة

» مميزات الشباب على البنات
» لماذاتبكى البنات بسهولة
» حركات البنات تحبها(!!!!) بتموت فيها